ថៃ​ត្រៀម​កិច្ច​ចរចា​ស្ដីពី​បញ្ហា​ព្រំដែន​សមុទ្រ​ជាមួយ​កម្ពុជា

ដោយ សាន សុវិទ្យ
2009-03-24

យោង ​តាម​កាសែត Bangkok Post នៅ​ថ្ងៃ​អង្គារ​នេះ រដ្ឋមន្ត្រី​ការ​បរទេស​ថៃ លោក កាស៊ិត ភីរ៉ុម បាន​ថ្លែង​ឲ្យ​ដឹង​ថា រដ្ឋាភិបាល​ថៃ​កំពុង​រៀបចំ​ធ្វើ​កិច្ច​ចរចា​មួយ​វគ្គ​ថ្មី​ទៀត​ជាមួយ​ កម្ពុជា​នៅ​ខែ​មេសា​ខាង​មុខ​នេះ ដើម្បី​ពិភាក្សា​ដោះស្រាយ​ជម្លោះ​ដែន​សមុទ្រ​រវាង​ប្រទេស​ទាំង​ពីរ។

កិច្ច​ចរចា​នេះ​មិន​ពាក់ព័ន្ធ​នឹង​សន្និសីទ​កំពូល​អាស៊ាន​បូក​៣ និង​បូក​៦ នោះ​ឡើយ។

លោក​នាយក​រដ្ឋមន្ត្រី ហ៊ុន សែន បាន​ត្រូវ​គេ​រាយការណ៍​ថា កំពុង​ប្រុងប្រៀប​ផ្ញើ​លិខិត​ទៅ​ភាគី​ថៃ សុំ​ឲ្យ​ដោះស្រាយ​បញ្ហា​ដែន​សមុទ្រ​ឲ្យ​បាន​ឆាប់ៗ​ដើម្បី​កម្ពុជា​អាច​ អភិវឌ្ឍ​ប្រភព​ប្រេង​និង​ឧស្ម័ន​ធម្មជាតិ​នៅ​បាត​សមុទ្រ។

លោក កាស៊ិត ភីរ៉ុម បាន​មាន​ប្រសាសន៍​ថា កម្ពុជា​មិន​ចាំបាច់​ផ្ញើ​លិខិត​នោះ​ទៅ​ខាង​ភាគី​ថៃ​ទេ៕